اللّي بـنـي بـنـي مصــر ... كــان في الأصــل ----

سائق التاكسي بـيــدنـدن ..

(( اللّي بني بني مصر .. كان في الأصل .. حلواني
و علشان كده مصر يا ولاد .. مصر ياولاااااااد
حلوة الحلوات ))
انسجامه في الأداء .. نساااه صوته الوحش .. جدا
فكرني بسامي العدل .. تمااااام
لكن ..
ســـــؤال ؟؟؟
و اشمعني حـلــواني بالذات ؟؟
سألت سائق التاكسي ...
- طيب اشمعني حلواني يا أسطي
- يا بيه .. دم الشعب اللي زي العسل ده
و البنات اللي زي حتة البسبوسة .. بالجشطة و " المخسرات "
و الأطفال اللي راس الواحد فيهم زي حبة الزلابية
كل ده و مش حلواني !!

و الغريبة .. أنه كاتب علي طابلوه العربية
(( سلااام .. يا بلد الكلام ))

تسؤ
ايه الخيوط المتشابكة دي ؟
ط

- هو الكلام ده ياسطي له مناسبة
- يا بيه .. يعني الكلمتين بتوعي اللي وقفوا في الزور
ما هو كل الشعب بيكتب و بيقول .. بلد كلام بصحيح

استنتجت من البوقين بتوع السائق دول
أن اللّي بني مصر .. كان في الأصل .. مــدوّن
ازاي .....؟

بيقال .. أن المصريين القدماء اللي كانوا بيعملوا علي بناء الهرم الأكبر..
كانوا بيكتبوا كلام للذكري علي شقافات الأحجار بيوصفوا فيه حالة المهانة و
السخرة و الاستعباد اللي بيلاقوها نظير اتمام الهرم
و في عصر الاسرة الثامنةعشر
و عصور الاغريق في مصر
و العصور الرومانية
و الاسلامية
.
.
.

و حتي الان :
في الـشــارع
في وسـائـل المـواصـلات
علي التـخـت في الـمــدارس
علي البنـ"ـجـ"ش في مدرّج الكلية
علي جذوع الأشجار في الحدائق العامة
علي احجار الصحراء في طرق السفر

الا و لازم حد من افراد الشعب تارك تدوينه او تعليقه عليه :
ممكن تجد شـتـيمــة
او حـكـمــة
او قـصــة حــب
او ذكــري

و من النادر ان تجد واحد من الشعب مادونش في حياته
لأن التدوين هو فلسفة الشعب المصري ومتنفسه الوحيد
للتعبير علي اللي جواه و اللي عاوز يقوله
و اللي عاوز يهيس به
ولا يريد أن يعتبره الآخرون من قبيل الهرتلة

يبقي انتشار المدونات .. بهذا الشكل .. لا يدع مجال للشك
ان اللي بني مصر كان في الاصل .. مدوّن

يعني مثلا .. كثير ما بنقرأ تدوينة مثل :
" للذكري الهباب .. و ايام العذاب .. و اللعب مع الكلاب "

و علي كراسي السيرفيس
" انا بحب فلانة الفلانية .. اللي ساكنة في العنوان الفلاني
و رقم تليفونها كذا كذا "

حتي علي البنـ"جــ"ش في الكلية قرأت :
" نااام و أرتااح .. يأتيك النجاااح "

و في القهوة :
" انا اللي ما أشرب من القهوة غير الوش .. و لما أموت
يبقي موتي في قلبي او ما أعيش "

و علي جدارن السجن :
" حاكم ظالم .. شعب جبان "

و كثير و كثير

و علشان نحن جزء لا يتجزأ من نسيج المجتمع
لازم .. و لابد .. و حتما .. اننا يكون صادفنا تدوين او كلام من هذا
القبيل
المطلوب منكم بقي .. انكم تكتبوا كل اللي صادفتوه قبل كده من كلمات في اي
مكان في الموضوع هنا

و حتي لو عندك انت شخصيا كلام .. ممكن تكتبه كتدوين
و ماتخااافش .. مش حعتبره من قبيل الهرتلة او التهييييس